Frymëzuar nga receta e Mrizit të Zanave
Përbërësit:
- 2 1/2 gota miell misri të bluar mesatar
- 1 gotë jogurt arrash shqeme
- 1/8 gotë vaj ulliri
- 2 gota ujë të vluar
- 2-3 purrinj
- 2-3 qepë të reja
- 1 qese spinaq
- kripë
Peta e poshtme
Përzieni 2 gota miell misri mesatar dhe 1 gotë ujë të valë. Shtoni pak kripë dhe disa stërpika vaj. Ngjeshni brumin dhe shtrijeni në formë të njëtrajtshme me një tepsi të lyer me vaj.
Mbushja
Fërgoni purrijtë me qepët e reja me pak vaj dhe kripë, shtoni spinaqin dhe fërgoni derisa të zbuten. Hidheni mbi petën e poshtme.
Peta e sipërme
Përzijeni 1/2 gotën e miellit të misrit me një gotë ujë të valë. Shtoni një gotë jogurt arrash shqeme dhe pak kripë. Përzijeni mirë dhe shtojani përmbi masës me purri duke i mbuluar perimet tërësisht.
Pjekeni në furrë të ngrohur 425 F, 35-40 minuta, derisa të skuqet sipri.
