Përbërësit

• 1 kg hitha
• 4 gota miell misri
• 2-3 gota ujë të valë
• 1/4 gote vaj
• 1 gotë qumësht
• 1 gotë jogurt
• kripë
• biber i zi

Përgatitja e hithave

I marrim hithat në një enë dhe iu heqim trungun me gërshëre. Pastaj i hedhim në një enë kulluese dhe i shpërlajmë. I përvlojmë me ujë të valë që t’iu zbuten thumbat. I kullojmë dhe i shtrydhim me dorë. Pastaj i grimcojmë hithat dhe disa qepë të reja. I fërgojmë së bashku me disa lugë vaj, dhe kryp e biber. Pasi të zbuten pak, iu shtojmë një gotë jogurt bimësh dhe i përziejmë. 

Peta e poshtme

Për të bërë petën e poshtme, marrim tre gota miell misri, pak krypë, një të katërtën e gotës vaj, dhe 2 gota ujë të valë. I përziejmë bashkë. 

E shtriejmë brumin me kujdes në një tepsi të lyer me vaj, duke e shpërndarë njëtrajtshëm me një lugë të rrafshët. E përhapim edhe skajeve me dorë. 

E shtojmë masën me hitha, dhe e shpërndajmë mbi petë.

Peta e sipërme

Për petën e sipërme, marrim dy gota miell misri, pakëz krypë, një gotë qumësht bimësh, një gotë jogurt bimësh dhe i përziejmë mirë. Peta e sipërme bëhet më e hollë dhe brumi shpërndahet më lehtë sipri masës me hitha. Mund t’i shtohet edhe 1/2 gote ujë i valë nëse dëshirohet peta edhe më e hollë.

Pjekja

E fusim në furrë për katërdhjetë e pesë minuta, në 425 shkallë Fahrenheit, derisa të skuqet.

E prejmë dhe e shërbejmë të ngrohtë.